Májilis qaraýyna saılaý týraly zańnama engizildi
ASTANA. QazAqparat - QR Parlamenti Májilisi «Qazaqstan Respýblıkasyndaǵy saılaý týraly» QR Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zańynyń jobasy boıynsha jumysty bastady, dep habarlaıdy QazAqparat tilshisi.
«Zań jobasy QR Úkimetiniń zań jobalaý jumystarynyń 2018 jylǵa arnalǵan josparyna sáıkes ázirlengen. Qujat saılaý zańnamasyn jańa ınstıtýttardy engizý, quqyqtyq olqylyqtar men qaıshylyqtardy joıý arqyly jetildirýge baǵyttalǵan. Zań jobasyn ázirleýdiń maqsaty - irgeli saılaý qaǵıdattaryn saqtaýdy odan ári qamtamasyz etý. Konstıtýtsııalyq zańǵa usynylyp otyrǵan ózgerister men tolyqtyrýlar barynsha ashyq ári demokratııalyq saılaý protsesin qamtamasyz etýge yqpal etedi. Komıtet zań jobasyn jumysqa alýǵa daıyn», - dedi Zańnama jáne sot-quqyqtyq reforma komıtetiniń tóraǵasy Nurlan Ábdirov Májilistiń jalpy otyrysynda.
Sonymen qatar, atalǵan Májiliske «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» zań jobasy da engizildi. Bul qujat «Qazaqstan Respýblıkasyndaǵy saılaý týraly» QR Konstıtýtsııalyq zańyna ózgerister men tolyqtyrýlar engizý týral» QR Konstıtýtsııalyq zańynyń jobasyna ilespe bolyp tabylady.
Zań jobasy eki kodeks jáne úsh zańǵa túzetýler engizýdi kózdeıdi.
