Májilis qabyrǵasynda Muqaǵalı Maqataevtyń jyrlary oqyldy
ASTANA. 30 naýryz. QazAqparat - Almaty qalasynyń Muqaǵalı Maqataev atyndaǵy №140 mektep-gımnazııasynyń 22 oqýshysy men eki ustazy Parlament úıine keldi.
Olar QR Parlamenti Májilisiniń depýtaty, «Nur Otan» HDP fraktsııasynyń múshesi Nurtaı Sabılıanovtyń arnaıy shaqyrýymen Astanany kórýge kelgen bolatyn.
Parlament qabyrǵasynda ótken kezdesýde Májilis depýtattary Nurtaı Sabılıanov pen Gúlmıra Isımbaeva Parlamenttiń qurylymy, Májilistiń zań shyǵarý qyzmeti jaıly aıtyp berdi. Suhbat barysynda ǵalamtor, telearnalardaǵy jarnama týraly, shylym shegý men basqa da zııandy áreketterden alys júrý týraly áńgimeler qozǵaldy. Kezdesýde parlamentshiler jas shákirtterge jaqsy bilim alý, salaýatty ómir saltyn ustaný jónindegi aqyl-keńesterin berdi.
Eńseli Elordamyz týraly áńgime órbigen kezde depýtat Nurtaı Sabılıanov álemniń kórikti qalalarynyń biri - Astanany Saryarqaǵa kóshirýdegi jáne Esil boıynda zamanaýı sáýletti shahardyń boı kóterýindegi Memleket basshysy Nursultan Nazarbaevtyń eńbegin atap ótti. Depýtat Astananyń kórkeıýi barlyq óńirlerimizge úlken serpilis bergenin tilge tıek etti.
Almatylyq shákirtter Parlamenttiń birlesken otyrys zalyn jáne Májilistiń jalpy otyrys zalyn aralap kórip, fotosýretterge tústi.
