Májilis ishki ister organdarynyń qyzmetin jetildirýge baǵyttalǵan zań jobasyna Senat tarapynan engizilgen ózgeristerdi qabyldady
ASTANA. 15 jeltoqsan. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine qoǵamdyq qaýipsizdikti qamtamasyz etý salasynda ishki ister organdarynyń qyzmetin jetildirý máseleleri boıynsha ózgerister men tolyqtyrýlar engizý týraly» zań jobasyna Parlament Senaty tarapynan engizilgen túzetýlerdi qarap shyǵyp, bundaı túzetýlerge kelisimin berdi.
Senat tarapynan usynylǵan túzetýler Májilis maquldaǵan zań jobasynyń tujyrymdamasyna esh áser etpeıdi jáne olardyń basym bóligi redaktsııalyq naqtylaıtyn sıpatqa ıe bolyp otyr. Máselen Senat zań jobasyndaǵy memlekettik organdardyń quzireti týraly erejelerin soǵan sáıkes qoldanystaǵy zańdarǵa QR Prezıdentiniń jáne QR Úkimetiniń aktilerinde kózdelgen ózge de ókilettikterdi júzege asyratyn normamen tolyqtyrýdy usynǵan bolatyn. Muny Májilis depýtattary quptady. Budan bólek zań jobasynyń qylmys jasaǵan kámeletke tolmaǵandardy tárbıeleý jónindegi mindetterdi zańmen júktelgen ata-analaryna, qamqorshylaryna jáne ózge de adamdarǵa berý týraly normasy soǵan sáıkes sot sheshimi kúshine engenge deıin júzege asyrylatyn erejemen tolyqtyryldy.
