Májilis ıpotekalyq kredıt berý jáne ınvestorlardyń quqyn qorǵaý máselelerine arnalǵan zań jobasyn ekinshi oqylymda maquldady
ASTANA. 10 qarasha. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine ıpotekalyq kredıt berý jáne qarjylyq qyzmetterdi tutynýshylar men ınvestorlardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady.
Qujat qarjylyq qyzmetterdi tutynýshylardyń quqyqtaryn qorǵaý júıesi men ıpotekalyq kredıt berý máseleleri boıynsha azamattardyń áleýmettik kepildikterin qorǵaý tetikterin jetildirýge baǵyttalǵan. Sonymen birge, zań jobasy boıynsha aktsıonerlik qoǵamdardyń laýazymdy tulǵalarynyń jaýaptylyǵyn olardyń qabyldanatyn sheshimder úshin derbes jaýapkershiligin anyqtaý arqyly kúsheıtý sharalary kózdeledi.
Budan bólek, zań jobasy ıpotekalyq zaemshylardy qorǵaýdy kúsheıte túsedi. Atap aıtqanda, sottyń sheshiminsiz ıpotekalyq kredıt boıynsha kepilde turǵan múlikti, kepil ıesiniń tıisti jazbasha túrde berilgen kelisimi bolmasa zańdy tulǵanyń olardy paıdalanýy úshin tyıym salý normalary qarastyrylyp otyr. Sondaı-aq, kepil ustaýshyǵa kepil múlkine qatysty ony satý qajettigi týyndaǵan jaǵdaıda táýelsiz baǵalaý júrgizýdi mindetteý kózdeledi. Qujatta jalpylama qarjylyq qyzmetterdi tutynýshylardyń quqyqtaryn qorǵaý sharalary da qamtamasyz etiledi. Atap aıtqanda, banktik zaemdar kelisimsharty boıynsha zańda qarastyrylǵan jaǵdaıdan basqa jaǵdaılarda sharttardy birjaqty ózgertýge tyıym salynady.
