Májilis halyqaralyq kólik júıesine yqpaldasýǵa baǵyttalǵan eki kelisimdi maquldady
amyrdyń 27-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Dóńgelekti kólik quraldaryna ornatylýy jáne (nemese) paıdalanylýy múmkin jabdyqtaý zattary men bólshekterine arnalǵan birkelki tehnıkalyq uıǵarymdardy qabyldaý týraly jáne osy uıǵarymdardyń negizinde beriletin resmı bekitýdi ózara moıyndaý sharttary týraly kelisimdi ratıfıkatsııalaý týraly» zań jobasyn maquldady,
dep habarlaıdy QazAqparat.
Atalǵan kelisimdi ratıfıkatsııalaý arqyly Qazaqstan halyqaralyq tasymaldaý kólemin ulǵaıtýǵa, kólik shyǵyndaryn qysqarta túsip, jolaýshylardy jáne júkterdi ákelý merzimderin qamtamasyz ete alady. Budan bólek, kelisim arqyly kólik jumysynyń energetıkalyq jáne ekologııalyq kórsetkishterin halyqaralyq standarttarǵa jaqyndatý, jol qozǵalysy qaýipsizdigin qamtamasyz etý úshin TMD-ǵa qatysýshy memleketterdiń jol-kólik keshenin halyqaralyq kólik júıesine yqpaldastyrý qajettiligi arta túsedi.
Qazirgi kúni osy Kelisimge álemniń 43 memleketi qosylǵan. Sondaı-aq, kelisim jol qozǵalysy qaýipsizdigi salasynda birkelki talaptardy qabyldaýǵa, ekologııalyq qaýipsizdiktiń neǵurlym joǵary deńgeıin qamtamasyz etýge jáne elimizdiń kólik-tranzıt áleýetin odan ári damytýǵa baǵyttalǵan.
Budan bólek, Májilis depýtattary «Dóńgelekti kólik quraldaryn merzimdi tehnıkalyq baqylaýǵa arnalǵan birkelki talaptardy qabyldaý týraly jáne osyndaı baıqaýlardy ózara moıyndaý týraly kelisimdi ratıfıkatsııalaý týraly» zań jobasyn da maquldady.
27 eýropalyq memleket qosylǵan bul kelisim dóńgelekti kólik quraldaryn merzimdi tehnıkalyq tekserýge arnalǵan birkelki talaptardy qabyldaýǵa jáne osyndaı tekserýlerdi Kelisimge qosylǵan múshe-memleketterdiń tanýyna baǵyttalady.
