Májilis esirtki, psıhotroptyq zattar men olardyń zańsyz aınalymyna qarsy is-qımyldy qamtıtyn zań jobasyna Senat engizgen túzetýmen kelisti
ANA. 11 mamyr. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Esirtki, psıhotroptyq zattar, prekýrsorlar jáne olardyń zańsyz aınalymy men teris paıdalanylýyna qarsy is-qımyl sharalary týraly» zań jobasyna Parlament Senaty engizgen ózgeristerdi talqylap, buǵan kelisimderin berdi
Esterińizge sala keteıik, atalǵan zań jobasyna Májilis depýtattary bastamashylyq jasaǵan bolatyn. Bul rette zań jobasyna bastamashy bolǵan depýtat Berik Bekjanov esirtkini paıdalanýdyń jasóspirimder arasynda keńinen taralýy qoǵamnyń úlken alańdaýshylyǵyn týdyryp otyrǵanyn alǵa tartyp, qoǵam men áleýmet bul úderiske óz yqpalyn kúsheıtýleri tıistigin aıtqan bolatyn. «Elimizde halyq densaýlyǵyna keri áser etetin «shóptik mıkster» búginge deıin erkin satylyp keldi. Bulardyń esirtkimen áseri birdeı. Ótken jyldyń 20 qańtarynda elimizdiń Bas sanıtarynyń qaýlysy boıynsha «shóptik mıksterdi» satýǵa tyıym salyndy. Alaıda, tyıym salý sharasyn buzǵan azamattarǵa tıisti ákimshilik nemese qylmystyq jaýapkershilik qarastyrylmaǵan», - degen edi zań jobasyna bastamashy bolǵan depýtat.
Al Májilis maquldaǵan jobaǵa senatorlar jalǵyz túzetý jasap, Májiliske qaıtarǵan bolatyn. Buǵan sáıkes, atalmysh zań alǵashqy resmı jarııalanǵan kezden bastap emes, on kún merzim ótkennen keıin qoldanysqa enetin bolady. Májilis bul túzetýge kelisimin berdi.
