Májilis energııa baǵasyn retteýge múmkindik beretin zań jobasyn maquldady

NUR-SULTAN. QazAqparat – QR Pralamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine básekelestikti damytý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.

Depýtattar qujat jobasyn biraýyzdan maquldap daýys berdi. Májilis tóraǵasy Nurlan Nyǵmatýlın atalǵan zań jobasyndaǵy elektr energııasyn ortalyqtandyrylǵan saýda-sattyq arqyly satý halyqtyń qaltasyna qalaı áser etetinin surady.

Serik Jumanǵarınniń aıtýynsha, bul shara kerisinshe, elektr baǵasyn memleket tarapynan retteýge múmkindik bermek.

«Serik Maqashuly, bul jerde osy normanyń jumys isteıtinin qarapaıym halyq aradaǵy deldaldardy alyp tastaǵan sátten bastap kórýi qajet. Bul jerde shema qarapaıym bolý kerektigi túsinikti. Ónim baǵasy túsýi qajet. Ortalyqtandyrylǵan bırjalyq saýda-sattyq arqyly baǵa qymbattap ketip júrmesin. Halyq onda deldaldardy nege alyp tastadyńyzdar dep suraıdy. «Elektrondy saýdany zańdastyryp edińder, baǵa sharyqtap ketti» dep júrmesin. Túsinemin, bul – óte názik másele. Biraq osy jerde agenttik naqty retteý kerek», - dedi Nurlan Nyǵmatýlın.