Májilis Eńbek jáne halyqty áleýmettik qorǵaý mınıstriniń kandıdatýrasyn kelisti
NUR-SULTAN. QazAqparat – Parlament Májilisi Eńbek jáne halyqty áleýmettik qorǵaý mınıstri laýazymyna Birjan Nurymbetovtiń kandıdatýrasyn qoldady, dep habarlaıdy QazAqparat.
«Májilistiń Áleýmettik-mádenı damý komıtetiniń otyrysynda Birjan Nurymbetovtiń kandıdatýrasy QR Eńbek jáne halyqty áleýmettik qorǵaý mınıstri qyzmetine taǵaıyndaý úshin kelisildi. Komıtet músheleri bul máseleni «Qazaqstan Respýblıkasynyń Parlamenti jáne onyń depýtattarynyń mártebesi týraly» QR Konstıtýtsııalyq zańynyń 22-1 babyna sáıkes qarady. Kandıdatty Premer-Mınıstrdiń tapsyrmasy boıynsha Premer-Mınıstr Keńsesiniń Basshysy Ǵalymjan Qoıshybaev tanystyrdy», - delingen palatanyń baspasóz qyzmeti taratqan habarlamada.
Otyrys nátıjesinde komıtettiń Eńbek jáne halyqty áleýmettik qorǵaý mınıstri laýazymyna taǵaıyndaý úshin Nurymbetov Birjan Bıdaıbekulynyń kandıdatýrasyn usyný múmkindigi týraly Qorytyndysy qabyldandy.
