Májilis eńbek mıgranttaryna salyq salatyn zań jobasyn maquldady
ASTANA. 25 qyrkúıek. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine eńbek kóshi-qon máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady.
Atalǵan qujattyń negizgi maqsaty eńbekshi kóship-qonýshylardy zańdastyrý, sondaı-aq jeke tulǵalardyń sheteldik jumys kúshin tartýyna ruqsattar berý tártibin ońaılatý bóligindegi kóshi-qon úderisterin memlekettik retteýdi jetildirý bolyp tabylady. Budan basqa, eńbek mıgranttarynyń jekelegen sanattaryn tartýdy reglamentteıtin eńbek zańnamasyndaǵy olqylyqtar joıylady.
Sonymen qatar, jeke tulǵalardan kóship kelýshilerdiń jumysy úshin tabys salyǵyn tóleý jónindegi ózgerister qamtylady. Jalpy, zań jobasyn qabyldaý birqatar quqyqtyq, áleýmettik-ekonomıkalyq nátıjelerge qol jetkizýge múmkindik beredi.
Atap aıtar bolsaq, qujatqa engizilgen ózgeristerdiń arqasynda elimizge kelip, zańsyz eńbek qyzmetin júzege asyratyn sheteldikter zańdastyrylady, olardyń elde bolýyn baqylaýdyń tıimdiligi artady. Sondaı-aq, kez kelgen qazaqstandyq jeke tulǵa úshin sheteldik jumys kúshin tartýǵa ruqsattar beriledi. Eńbek mıgranttaryna engiziletin salyqtyń arqasynda bıýdjetke túsetin túsim ulǵaıady.
Májilis maquldaǵan zań jobasy Parlament Senatyna joldanady.
