Májilis elektrosamokatpen júrý tártibin retteıtin qujatty talqylaıdy

ASTANA. QazAqparat – Parlament Májilisiniń qaraýyna elektrosamokatpen júrý tártibin retteıtin qujat jobasy kelip tústi, dep habarlaıdy QazAqparat tilshisi.

Atap aıtqanda, jańa normalar «Qazaqstan Respýblıkasynyń keıbir zańnamalyq aktilerine jol júrisin uıymdastyrý máseleleri boıynsha ózgerister men tolyqtyrýlar engizý týraly» zań jobasynda qamtylyp otyr.

Májilis depýtat Albert Raýdyń aıtýynsha, zań jobasy joldaǵy kólik qozǵalysy týraly zańǵa ózgerister men tolyqtyrýlar engizýdi eskerip otyr.

jáne myna máselelerdi retteýge baǵyttalǵan:

«Bul qujat elektrosamokat, gıroskýter jáne basqa da shaǵyn elektr kólikterin baqylaý, elektr qýatymen júretin shaǵyn kólik uǵymyn aıqyndaý, shaǵyn elektr kólikteri júrgizýshileriniń quqyqtary men mindetterin anyqtaý máselelerin retteýge baǵyttalǵan», - dedi depýtat Májilistiń jalpy otyrysynda.

Budan buryn habarlanǵandaı, elimizde elektrosamokatpen qatynaıtyn adamnyń jolda júrý tártibi aıqyndalady.