Májilis: Ekstremızm men terrorızmniń qaısysy qaýiptirek?
ASTANA. QazAqparat - Ekstremızm men terrorızmniń qaısysy qaýiptirek? Búgin Parlament Májilisinde «Táýekeldi Baǵalaý Toby» saraptaý uıymynyń dırektory Dosym Satpaev osy máseleni kóterdi. Eske salaıyq, Májiliste «Qazaqstan Respýblıkasynyń keıbir zańnamalyq aktilerine ekstremızm jáne terrorızm máseleleri boıynsha ózgerister men tolyqtyrýlar engizý týraly» zań jobasy tanystyrylǵan bolatyn.
«Zań jobasynyń basty mindeti - áleýmettik turaqtylyqqa zııanyn tıgizbeı otyryp, ekstremızm jáne terorrızmmen kúrestiń tıimdiligin arttyrý. Eger zań jobasynda osyny betke alyp, qýdalaýshylyq normalary kúsheıtilse, oǵan da qoǵamnyń keri kózqarasy týýy múmkin. Qarapaıym azamattarǵa, bızneske, kásipkerlerge qysym bolyp jatsa, ol quptalmaıdy. Sonymen qatar, radıkalızmniń negizinde de osyndaı keri qubylystar jatyr, sonyń ishinde sybaılas jemqorlyq ta osyǵan jol ashady», - deıdi saıasattanýshy Dosym Satpaev.
Onyń paıymynsha, sheneýnikter qolynda baqylaý jasaıtyn tetikter kóbirek bolǵan saıyn bul jemqorlyqqa belgili bir áserin beredi, al onyń ózi túptep kelgende ekstremıstik jáne terrorıstik áreketterdiń órshýine jol berýi yqtımal.
«Zań jobasynda jiberilgen qatelikterdiń biri - jazany kúsheıtýge qatysty. Termınologııa turǵysynan ekstremızm men terrorızm zań jobasynda bir deńgeıde qarastyrylady, degenmen bulardyń birshama aıyrmashylyǵy bar. Máselen, 182-bapta ekstremıstik toptyń qyzmetine qatysty tulǵa 12 jylǵa sottalyp, múlki tárkilenedi. Al 255-bapta, terrorızm aktisine qatysy bar adamǵa nemese topqa múlkin tárkileı otyryp, 6-dan 10 jylǵa deıin bas bostandyǵynan aıyrý kózdeledi. ıAǵnı, terrorızm aktisi úshin ekstremıstik qyzmetke qatysqandarǵa qaraǵanda azyraq belgilenipti. Ekstremızmniń ózi zorlyq-zombylyq áreketterin qarastyrmaýy múmkin, al oǵan adamdar ólimine, ekonomıkalyq zalaldarǵa soqtyratyn terrorıstik aktige qaraǵanda qatalyraq jaza belgilenip otyr. Bul jaǵy túsiniksiz», - dedi Dosym Satpaev.
Óz kezeginde QR Bas prokýrorynyń orynbasary Andreı Kravchenko bundaı pikirmen kelispeıtinin jetkizdi. «Eýropadaǵy yntymaqtastyq pen qaýipsizdik uıymynyń usynymdaryn qaraýǵa keńes berer edim. Uıym bul usynymdardy ekstremızmniń qoǵamdaǵy qaýpine qatysty ıÝgoslavııadaǵy oqıǵadan keıin Qazaqstanǵa qatysty da jasaǵan bolatyn. ıAǵnı, burynǵy ıÝgoslavııadaǵy oqıǵany eske túsirseńiz, osy eki máseleni salystyra alatyn edińiz. Ekstremıstik áreketterdiń terrorızm nemese terorıstik aktiden eshqandaı da kem qaýipti emes», - dedi A. Kravchenko.
