Májilis: E. Doshaevtyń depýtattyq ókilettigi merziminen buryn toqtatyldy
ASTANA. 6 qarasha. QazAqparat - Búgin Parlament Májilisiniń jalpy otyrysynda palata depýtattary Ergen Nıkolaıuly Doshaevtyń depýtattyq ókilettigin merziminen buryn toqtatý týraly qaýly qabyldady.
Ortalyq saılaý komıssııasynyń múshesi Lázzat Súleımenniń aıtýynsha, Ergen Doshaevtyń ózi depýtattyqtan bosatý týraly ótinish bildirgen. Soǵan qatysty palata depýtattary onyń ókilettigin merziminen buryn toqtatý týraly qaýly qabyldady. Toqtala ketetin jaıt, depýtat E. Doshaev otbasylyq jaǵdaıyna baılanysty osyndaı sheshim qabyldaǵanyn aıtady.
Atalǵan máselege oraı Májilis spıkeri N. Nyǵmatýlın E. Doshaevtyń osy ýaqytqa deıingi atqarǵan qyzmetin joǵary baǵalap, oǵan alǵys bildirdi.
