Májilis derbes derekterdi qorǵaý jónindegi jobaǵa Senat engizgen ózgeristerge kelisim berdi
ASTANA. 24 sáýir. QazAqparat - Búgin Parlament Májilisiniń jalpy otyrysynda palata depýtattary «Derbes derekter jáne olardy qorǵaý týraly» zań jobasyna Senat engizgen ózgeristerdi qarady.
Nátıjesinde Májilis Senat engizgen túzetýlerge kelisim berdi.
Eske salsaq, atalǵan zań jobasynyń maqsaty adamnyń jáne azamattyń derbes derekterin jınaý jáne ony óńdeý kezinde onyń quqyqtary men bostandyqtarynyń qorǵalýyn qamtamasyz etý bolyp tabylady. Zań jobasy derbes derekterdi jınaýǵa, óńdeýge jáne qorǵaýǵa baılanysty sýbekt, menshik ıesi, operator jáne úshinshi tulǵa arasyndaǵy qatynastardy retteıdi. Sondaı-aq, derbes derekterdi jınaý jáne óńdeý, olardyń qorǵalýy qamtamasyz etilgen jaǵdaıda ǵana júzege asyrylatyn kezde derbes derekterdiń memlekettik qorǵalýyna kepildik beriledi.
Talqylaý barysynda Májilis maquldaǵan qujatqa senatorlar birqatar ózgerister engizdi. Atap aıtsaq, derbes derekterdi sýbektiniń kelisiminsiz jınaýdy, ondaı derekterdiń qorǵalýy qamtamasyz etilmeıtin shet memleketterge arnaıy halyqaralyq sharttardy qabyldaǵan kezde ǵana berýdi kózdeıtin ózgerister endi. Bul rette senatorlar nysany adamnyń jáne azamattyq quqyǵy men bostandyǵy bolyp tabylatyn halyqaralyq sharttar ratıfıkatsııalaýǵa jatatynyn alǵa tartady. Májilis redaktsııalyq naqtylaý sıpatyndaǵy mundaı túzetýlerge kelisimin berdi.
