Májilis depýttary Túrkistannyń tarıhı oryndaryn aralady
TÚRKІSTAN. QazAqparat - Búgin QR Parlamenti Májilisiniń depýttary- Áleýmettik-mádenı damý komıtetiniń músheleri Túrkistan oblysyna jasaǵan sapary barysynda Qoja Ahmet ıAsaýı kesenesine zııarat etti, dep habarlaıdy QazAqparat tilshisi.
Sonymen qatar, orta ǵasyrdaǵy tarıhı-mádenı mura obektileriniń tarıhı kelbetin anyqtaýǵa jáne qalpyna keltirýge arnalǵan jobalarmen jáne Túrkistan qalasy aýmaǵyndaǵy eń kóne qonystardyń biri Kúltóbe qalashyǵymen tanysty.
Aıta keteıik, «Tsıfrly Qazaqstan» jobasy negizinde qoryq-mýzeıge qarasty Qoja Ahmet ıAsaýı kesenesi men Qylýet jerasty meshiti, Shyǵys monshasy, Gaýhar ana, Ýkasha ata kesenesi men qudyǵy, Saýran qalashyǵy syndy tarıhı oryndardyń 3D týr nusqasy daıyndalyp, halyqaralyq kórmelerde alǵash ret kórsetilgeni belgili.
Qoja Ahmet ıAsaýı kesenesinde jerlengen qazaqtyń han-sultandary men bı-abyzdary,batyrlary men ıgi jaqsylary tizimi tsıfrly formatta ázirlenip, tulǵalar jaıynda qysqasha málimetter úsh tilde jazyldy. Q.A.ıAsaýı, Esim han, Rabııa Sultanbegim keseneleri men Juma meshiti mýzeıi, Qylýet jerasty meshiti mýzeıi, Shyǵys monshasy mýzeılerine tsıfrlandyrý boıynsha shtrıh kod jasaldy. Atalǵan jumystarmen tanysqan halyq qalaýlylary qoryq-mýzeı qorynda Ámir Temir dáýirinen saqtalǵan qasıetti taıqazan, laýha (týdyń ushy), shyraǵdandar, esikter, Q.A.ıAsaýıdiń «Dıýanı hıkmet» kitabynyń qoljazbalary men kórmeni de tamashalady.
Óńirde Memleket Basshysy N.Á.Nazarbaevtyń «Uly dalanyń jeti qyry» baǵdarlamalyq maqalasy men qalany túrki dúnıesiniń rýhanı astanasy retinde tanytý jáne tarıhı oryndardyń tól kelbetin saqtaı otyryp, jandandyrý maqsatynda birqatar jobalar qolǵa alynýda. QR Mádenıet jáne sport mınıstrligi Túrkistan qalasyndaǵy 88,7 gektar aýmaqta ornalasqan «Han meshiti», «Han ordasy» jáne Kúltóbe qalashyǵy men «Jeti ata», «Darbaza», «Músálla», «Tákııa» qaqpalary tolyǵymen qalpyna keltirilip, týrıstik baǵytqa qosylmaq. Aǵymdaǵy jyly Qoja Ahmet ıAsaýı kesenesi mańyn abattandyrý jumystary júrgizilýde. Qala qorǵandarynyń oryndaryna arheologııalyq qazba jumystary júrgizilip, qaıta qalpyna keltirý jumystary kezeń-kezeńimen júzege asyrý kózdelýde. Ortaǵasyrlyq magıstraldyq kóshelerge de qazba jumystary júrgizilip, saýda-sattyq oryndary týrısterge qyzmet kórsetetin bolady.
