Májilis depýtatynyń «Qyzylaǵash: syn saǵatta» kitabynyń tusaýy kesildi
ASTANA. 4 maýsym. QazAqparat - Búgin QR Tótenshe jaǵdaılar mınıstrliginiń ǵımaratynda Májilis depýtaty Serikbaı Nurǵısaevtyń «Qyzylaǵash: syn saǵatta» atty kitabynyń tusaýkeseri ótti.
Shara barysynda Qyzylaǵash aýylynda bolǵan qasiretti oqıǵanyń sebep-saldary, tótenshe oqıǵany aýyzdyqtaý jolyndańǵy memlekettik organdardyń birlesip atqarǵan jankeshti qımyldary, otandastarymyzdyń sol bir qıyn kezeńdegi bereke men birlik údesinen tabyla bilip, az ýaqytta qıraǵan aýyldy qaıta qalpyna keltirýi keńinen sóz boldy.
QR Tótenshe jaǵdaılar vıtse-mınıstri Valerıı Petrov óz sózinde bul apatty keıingi urpaq úshin sabaq dep ataı otyryp, kitaptyń tarıh úshin óte qundy ekendigine toqtaldy.
Kitaptyń tusaýkeser rásimine Parlament Májilisiniń depýtattary, «Nur Otan» HDP, Qazaqstan halqy Assambleıasy ókilderi, Almaty oblysy jáne Aqsý aýdany ákimdikteriniń basshylyǵy qatysty.
