Májilis depýtatynyń kezdesýinde «100 qadam» Ult josparyn júzege asyrý máselesi talqylandy

ASTANA. QazAqparat - Parlament depýtattarynyń óńirlerge jumys sapary aıasynda Májilis depýtaty Nurlan Jazylbekov Almaty qalasynda boldy.

Onda májilismen «Almaty JEO-2» nysanyn aralyp, jumysshylarmen kezdesti. Bul týraly Májilistiń baspasóz qyzmetinen habarlandy.

«Jylý ortalyǵyndaǵy kásiporynnyń eńbek ujymymen júzdesýdegi áńgimeniń negizgi taqyryby Elbasy aıqyndaǵan «100 qadam» Ult josparyn júzege asyrý týrasynda boldy. Sonymen qatar, óndiristerdi jańǵyrtý, ınvestıtsııalyq baǵdarlamalardyń oryndalýy, tarıftik saıasat týraly áńgime órbip, depýtat zeınetaqy zańnamasyndaǵy kútiletin ózgerister, áleýmettik qamtamasyz etý men kadrlar daıarlaý boıynsha jańalyqtarymen bólisti. Sonyń ishinde depýtat N. Jazylbekov «Almaty elektr stantsııasy» AQ kásiporynynyń problemalaryna jiti nazar aýdardy», - delingen baspasóz baıanynda.

Budan bólek, depýtat kásiporynnyń qazandyq, týrbındik tseh nysandaryn aralap, olardyń jumysymen tanysa otyryp, mamandar men qyzmetkerlerdiń kótergen máselesin nazarǵa aldy.