Májilis depýtatyna Memleket basshysynyń Alǵys haty men omyraý belgisi tabys etildi
ASTANA. 11 mamyr. QazAqparat - Búgin Májilistiń jalpy otyrysynda Palata Tóraǵasy Oral Muhamedjanov 70 jasqa tolǵan mereıtoıyna oraı depýtat Rozaqul Halmuradovqa Memleket basshysynyń Alǵys haty men omyraý belgisin tabys etti.
Qazaqstan Prezıdentiniń Alǵys haty depýtatqa elimizdiń saıası-áleýmettik órkendeýine, mańyzy zor jáne qoǵamǵa asa qajetti zańdardyń qabyldanýyna qosyp kele jatqan úlesi úshin berildi.
Rozaqul Satybaldyuly 1941 jyly 1 mamyrda Ońtústik Qazaqstan oblysynda dúnıege keldi. Tashkent qalasyndaǵy Memlekettik ýnıversıtet pen Aýyl sharýashylyq ınstıtýtyn jáne Almaty Joǵary partııa mektebin bitirdi. Ózi týǵan óńirde uzaq jyldar boıy aýdandyq komsomol, partııa uıymdarynda eńbek etti.
Saıram aýdanynyń ákimi, oblys ákiminiń orynbasary jáne keńesshisi jumystaryn atqardy. 2002-2007 jyldary Ońtústik Qazaqstan oblystyq Tártiptik keńesiniń tóraǵasy jáne QR Memlekettik qyzmet isteri agentiginiń aýmaqtyq basqarmasynyń bastyǵy jaýapty qyzmetter atqardy.
2007 jyly Qazaqstan halqy Assambleıasynan Parlament Májilisiniń tórtinshi shaqyrylymyna depýtat bolyp saılandy.
Elimizge sińirgen eńbegi úshin «Qurmet Belgisi», I-shi jáne II-shi dárejeli «Dostyq» ordenderimen, sondaı-aq birqatar mereıtoılyq medaldarmen marapattalǵan.
