Májilis depýtatyna qurylys materıaldarynyń qymbattaýynan týyndaǵan problemalar aıtyldy - Qaraǵandy
QARAǴANDY. QazAqparat - Májilis depýtaty, «Aq jol» partııasynyń múshesi Aıgúl Jumabaeva Qaraǵandydaǵy oblystyq jáne qalalyq máslıhat depýtattarymen birge qaladaǵy jáne eldi mekenderdegi qurylys nysandaryn aralady, dep habarlaıdy QazAqparat Májilistiń baspasóz qyzmetine silteme jasap.
Sapar barysynda qurylysshylar depýtattarǵa qurylys materıaldarynyń kúrt qymbattaýyna baılanysty problemalardy aıtyp, shyǵynǵa ushyraǵandary jaıly baıandady.
Kásipkerlerdiń aıtýynsha, olar úlken shyǵynǵa ushyrasa da, jumys isteýge májbúr.
Atap aıtqanda, Saran qalasynda «Aspap» óndiristik kooperatıvi sport zaldyń qurylysyn aıaqtaı almaı otyr.
Sonymen qatar, aqjoldyq depýtattar Saran jáne Abaı qalalaryndaǵy qurylysy aıaqtalmaǵan turǵyn úı keshenderine de bardy. Ol jaqtaǵy jaǵdaı da qurylys zattarynyń kúrt ósýimen baılanysty.
Іssapar barysynda depýtattar Shahtınsk qalasyndaǵy avtovokzaldy qaıta jóndeý jumystarymen tanysty.
Kezdesý qorytyndysy boıynsha atalǵan problemalardy sheshý úshin halyq qalaýlylary kúsh-jigerlerin jumsaıtyndaryn aıtty.
Aıta ketý kerek, buǵan deıin Májilis depýtattary ózderiniń depýtattyq saýaldary arqyly Úkimetke qurylys materıaldary naryǵynda tártip ornatýdy suraǵan bolatyn.
