Májilis depýtaty Jetisý memlekettik ýnıversıtetiniń ujymymen kezdesti
TALDYQORǴAN. QazAqparat - QR Parlamenti Májilisiniń depýtaty Ábdimanap Bekturǵanov Jetisý memlekettik ýnıversıtetinde ustazdar qaýymymen kezdesti.
Basqosý barysynda Prezıdent joldaýynda aıqyndalǵan maqsat, mindetter men «Pedagog mártebesi týraly» zańnyń erekshelikteri talqylandy. Ondaǵy ózgerister elimizdegi 500 myńnan astam ustazdyń áleýmettik jáne materıaldyq máselesin sheshýge sep bolmaq.
«Muǵalimderdiń dárejesi tómendep bara jatyr. Mysaly, ata-ana da, bala da dóreki sózder aıtyp muǵalimderi balaǵattap jatyr. Osyndaı oqıǵa bolmas úshin Ákimshilik kodekske depýtattardyń usynysymen ákimshilik jazaǵa tartý máselesin qarastyrdyq. Onda bul kámeletke tolmaǵan 12-14 jastaǵy balalar bolatyn bolsa, onyń ata-analaryn, zańdy tulǵalaryn jaýapqa tartý máselesi de bar», - dedi Á.Bekturǵanov.
Sondaı-aq QR Parlamenti Májilisiniń depýtattarynyń óńirlerdegi sapary aıasynda búgin Ábdimanap Bekturǵanov Taldyqorǵan qalasyndaǵy №28 ІT mektep ujymymen kezdesip, bilim ordasynyń qyzmetimen tanysty. Ustazdar qaýymy depýttatqa mekteptiń jetistigin tanystyryp, partııa bastamasymen ashylǵan ІT synyptaǵy sabaq barysyn kórsetti.
