Májilis depýtaty: «Jaıly mektep» konkýrsynyń sharty iri kompanııalardyń múddesine ashyq lobbı jasap otyr
«Konkýrs ótkizý sharttary boıynsha qatysýshylarǵa shartty jeńildetip tólegen salyq somasy boıynsha beriledi. Búgingi tańda soma 5 jyly ishinde ár jyly 500 mln teńgeni quraıdy. Mundaı shekti jeńildikti tek megapolısterde tirkelgen jáne jumys isteıtin iri kompanııalar ǵana ala alady degen boljam bar. Biraq talqylaý kezinde 50 mln teńge shek týraly aıtyldy. Bul konkýrstyń jarııalanýyna birneshe kún qalǵanda ǵana ózgergen úrdis boldy. Almaty men Astanadaǵy kompanııalardyń múddesine osylaı ashyq lobbı jasaý óńirlik jetkizýshilerdi shartty jeńildikten aıyrady. Osyndaı ádis qoldaný nege baılanysty?», - dep surady depýtat.
«Samruk-Kazyna Construction» AQ basqarma tóraǵasy Máýlen Aımanbetovtiń aıtýynsha, konkýrs talaptary kerisinshe syrttan keletin merdigerlerge tosqaýyl qoıyp otyr.
«Bul talaptardyń bárin biz oıdan shyǵarǵan joqpyz. Jergilikti ákimdikter bizdiń jergilikti, ózimiz biletin kompanııalar jumys istese eken degendi aıtty. Árıne, ol úshin jergilikti merdigerler shyqsa, arnaıy 5 paıyzdyq jeńildik berdik. ıAǵnı, siz aıtqan úlken kompanııalar syrttan kelip, konkýrsty jeńe almaıdy. Biz osylaı jasaǵannan keıin memlekettik satyp alýǵa da bizden keıin osy tásildi engizdi. Qazirgi tańda jergilikti jetkizýshilerdiń syrttan keletinderge qaraǵanda 5 paıyz jeńildigi bar.
Taǵy da bir jaıtty aıtaıyn «RealStroı» degen kompanııa shyqty. 185 lottyń 175-ine ótinim berdi. Muny qalaı aıtýǵa bolady.
Birinshi sanatty 2 myń, 2,5 myń, 1,5 myń oryndyq mektepterdiń konkýrsyna qatal talaptar qoıdyq. Óıtkeni sany bar sapasy joq kompanııalar utyp alyp, erteń álekke túsip, úlken qurylysqa qaýip tónýi múmkin», - dedi Máýlen Aımanbetov.
Aıta keteıik, Májiliste «Jaıly mektep» ulttyq jobasyn iske asyrý máseleleri talqylanyp jatyr.
