Májilis depýtaty Zaǵıpa Balıeva «Ana kúni» men «Áke kúni» merekelerin belgileýdi usyndy

dep habarlaıdy QazAqparat.

Búgin «Nur Otan» halyqtyq-demokratııalyq partııasy Tóraǵasynyń birinshi orynbasary Nurlan Nyǵmatýlınniń qabyldaýynda bolǵan depýtat «Búginde Parlamentke elimizdiń 16 aımaǵynan saılanǵan áıelder sany - 21. Sondaı - aq elimizdiń aýdandyq, oblystyq deńgeıdegi depýtattary bar. Árıne, olar da biz sııaqty qyzmet etip, ortaq iske ózderiniń úlesterin qosýda. Osyǵan qaraı biz aldaǵy ýaqytta jıi bas qosyp, elde qalyptasqan máselelerdi depýtat retinde birlesip talqylap otyrýdy jón sanap otyrmyz», dedi depýtat.

Sondaı-aq ol sózinde jınalǵandarǵa «Ana kúni» men «Áke kúnin» belgileý jónindegi usynysyn jetkizdi. «Eldegi árbir otbasyndaǵy

bala áıel azamattyń, ananyń sondaı-aq otbasynyń qorǵany - ákeniń alatyn orny men rólin túsinip, aıqyn sezinýleri tıis. Biz jaqynda depýtattardyń aldyna osyndaı másele qoıǵaly otyrmyz. Óz kezeginde «Nur Otan» partııasy da bizdi qoldaıdy degen úmittemiz», dedi halyq qalaýlysy.

Depýtattyń pikirinshe, búginde áskerı merekege baılanysty kúnder erlerdiń de merekesi retinde atap ótiledi. Alaıda áskerı mereke áskerılerdiń merekesi. «Al Qazaqstandaǵy er azamattardyń barlyǵy derlik áskerı emes. Árıne olar otan qorǵaýshylary. Degenmen ákeniń mártebesi bólek. Sondyqtan olardyń ózderiniń jeke merekeleri bolýy tıis», dedi Z.Balıeva.

Óz kezeginde «Nur Otan» partııasy tóraǵasynyń birinshi orynbasary bunyń jaqsy usynys ekendigin jáne onyń bolashaqta partııa tarapynan talqylanatyndyǵyn jetkizdi.