Májilis depýtaty Túrkistan turǵyndarymen kezdesti
ShYMKENT. QazAqparat - QR Parlamenti Májilisiniń depýtaty Baıdildá Jylqyshıev Túrkistan qalalyq máslıhat depýtattarymen jáne turǵyndarymen kezdesti. Basqosýda depýtat Parlament qabyrǵasynda atqarylyp jatqan jumystarmen tanystyrdy. Memleket basshysynyń aǵymdaǵy jyly qabyldaǵan mańyzdy qujattary týraly sóz etti, dep habarlaıdy QazAqparat HAA tilshisi.
Jıynǵa qatysqandar «Qazaqstannyń úshinshi jańǵyrýy: jahandyq básekege qabilettilik» atty Joldaýy men «Bolashaqqa baǵdar: rýhanı jańǵyrý» atty maqalasynan týyndaıtyn mindetter jóninde oılaryn ortaǵa saldy. Osy baǵytta keshendi sharalardy iske asyrý úshin jumyla jumys isteý kerektigin atap ótti.
Óz kezeginde turǵyndar depýtatqa ózderin mazalaǵan suraqtaryn qoıyp, keı máselelerdiń sheshilýine yqpal etýdi surady. Aıtylǵan problemalardyń deni jastar tárbıesi men jaqynda ǵana ózgeriske ushyraǵan ulttyq biryńǵaı testileýge qatysty boldy. Al, qalalyq máslıhat depýtattary usynys-pikirlerin aıtyp qaldy. Májilis depýtaty Baıdildá Jylqyshıev kezdesýde kóterilgen problemalardyń sheshý joldaryn qarastyrýǵa ýáde etti.
