Májilis depýtaty Turarbek Asanovqa Memleket basshysynyń Alǵys haty men omyraý belgisi tabys etildi
ANA. 16 naýryz. QazAqparat - Búgin Májilistiń jalpy otyrysynda Palata Tóraǵasy Oral Muhamedjanov 60 jasqa tolǵan mereıtoıyna oraı depýtat Turarbek Asanovqa Memleket basshysynyń Alǵys haty men omyraý belgisin tabys etti.
Aıta ketý kerek, Palata jetekshisi jalpy otyrysta jýyrda týǵan kúnderi bolǵan áriptesterin quttyqtap ótti. Sonyń ishinde depýtat Turarbek Asanov 4 naýryz kúni 60 jasqa tolǵan bolatyn. Qazaqstan Prezıdentiniń Alǵys haty depýtatqa elimizdiń saıası-áleýmettik órkendeýine, mańyzy zor jáne qoǵamǵa asa qajetti zańdardyń qabyldanýyna qosyp kele jatqan úlesi úshin berildi.
Elbasy Nursultan Nazarbaevtyń qoly qoıylǵan Alǵys hatta: «Siz eńbek jolyńyzdy ınjenerlikten bastap, memlekettik organdarda jaýapty qyzmetter atqardyńyz. Táýelsizdik jyldary Medeý jáne Almaly aýdandarynyń ákimi bolyp, ońtústik astananyń órkendeýine eleýli úles qostyńyz. Jergilikti memlekettik basqarý salasyndaǵy kóp jylǵy jemisti eńbegińiz jáne Parlament Májilisi depýtaty retindegi qazirgi abyroıly qyzmetińiz úshin alǵysymdy bildirip, zor densaýlyq, otbasyńyzǵa baqyt pen bereke tileımin»,- dep jazylǵan.
