Májilis depýtaty tenderlerdi birden úsh jylǵy kezeńge ótkizýdi ońtaıly sanaıdy
ASTANA. 14 qarasha. QazAqparat - Parlament Májilisiniń depýtaty Muhtar Tinikeev tenderlerdi birden úsh jylǵy kezeńge ótkizýdi ońtaıly sanaıdy. Bundaı pikirdi ol búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda málim etti.
«Eger de biz úsh jylǵa eseptelgen bıýdjetti qabyldaıtyn bolsaq, onda nelikten konkýrstar úshjyldyq merzimge arnalmaǵan? Bıznesmen tenderge qatysýǵa kelgende, onyń kásiporny úsh jyl boıy jumys isteıtinin anyq biletin bolady. Bizde tenderler jyl saıyn ótkiziledi. Máselen, osy jyly konkýrs ótkizilse, aldaǵy jyly taǵy da dál sol konkýrs uıymdastyrylady», - dep toqtaldy depýtat. M. Tinikeevtiń paıymynsha, úshjyldyq tender kásiporynǵa bankterden nesıe alýǵa jáne turaqty jumys isteýge kepildik beredi. Esterińizge sala keteıik, bıylǵy 11 qazanda ótken Úkimettiń keńeıtilgen otyrysynda Elbasy Nursultan Nazarbaev memlekettik satyp alý júıesindegi kemshilikterdi synǵa alǵan bolatyn.
