Májilis depýtaty ShQO qutqarýshylarynyń sý tasqyny kezeńine daıyndyǵyn tekserdi
ÓSKEMEN. QazAqparat – Májilis depýtaty Zarına Kamasova Shyǵys Qazaqstan oblysyna jumys saparymen kelip, qutqarýshylarynyń sý tasqyny kezeńine daıyndyǵyn tekserdi, dep habarlaıdy QazAqparat tilshisi.
Májilismen Tótenshe jaǵdaılar departamentinde bolyp, jeke quram men tehnıkanyń sý tasqyny kezeńine daıyndyǵymen tanysty. Jaǵdaı kúrdelenip ketse jeke quramnan 1524 adam, 838 tehnıka, 179 motopompa jáne jergilikti atqarýshy organdardyń kúshteri men quraldary daıyn tur.
«Qajet bolǵan jaǵdaıda turǵyndardy ýaqytsha ornalastyrý úshin 111 pýnkt daıyndaldy. Onda 11,9 myń adam syıady. Zarına Kamasova TJD bazasyndaǵy daǵdarys ortalyǵynyń jumysyn kórdi. Bul ortalyqta táýlik boıy óńirdegi jaǵdaıǵa monıtorıng jasaý shtaby, kúshter men quraldardy basqarý ortalyǵy qurylǵan», - dep habarlady departamenttiń baspasóz qyzmeti.
Sodan keıin Májilis depýtaty Altaı aýdany Buqtyrma ózeniniń boıynda ornalasqan eldi mekenderge bardy. Munda sý tasqyny qaýpi joǵary 12 ýchaske bar.
Zarına Kamasova qutqarýshylarǵa kómekke kelgen QR TJM 68303 áskerı bóliminiń qyzmetshilerimen kezdesti. Qazirgi ýaqytta olar ózender deńgeıine monıtorıng júrgizip, aryqtardy tazalap jatyr.
