Májilis depýtaty Shardaradaǵy qulpynaı sharýashylyǵymen tanysty
ShARDARA. QazAqparat – Túrkistan oblysyna arnaıy saparmen kelgen QR Parlament Májilisiniń depýtaty Qudaıbergen Erjan Shardara aýdanynda baryp, turǵyndarmen kezdesti. Halyq qalaýlysy qaladaǵy balyq zaýytynda bolyp, kásiporynnyń tynys-tirshiligimen tanysty, dep habarlaıdy QazAqparat tilshisi.
Jalpy, jylyna 600 tonna balyq óndirýge múmkindigi bar bul zaýyttyń jobalyq quny 300 mln teńgeni quraıdy.Onyń daıyn ónimderi elimizben qatar aly-jaqyn shetelderge saýdalanýa. Depýtat sonymen qatar bıylǵy jyly qolǵa alynǵan qulpynaı sharýashylyǵynda da boldy. Kásiporyn bıyl tańsyq ónim qulpynaıdy óndirýdi qolǵa alyp otyr. Seriktestik dıqandary aldaǵy ýaqytta gektar túsimin 4 tonnaǵa kóbeıtýdi josparlaýda.
Qudaıbergen Tólepuly aýdanda jańadan salynyp jatqan 160 oryndyq eki qabatty emhana qurylysymen de tanysty. Zamanaýı úlgide boı kóterip jatqan bul ǵımarat keler jyly el ıgiline berilmek. Aq halattylarmen kezdesken Májilis depýtaty olarmen ashyq pikir almasty. Máselelerin tyńdap, suraqtaryna jaýap berdi.
Kezdesýde aýdandyq aýrýhananyń bas dárigeri Nurǵalı Moldahanov medıtsına salasy boıynsha birshama mamandar jetispeıtinin aıtty. Bas dárigerdiń ótinishine qulaq túrgen halyq qalaýlysy osy qajettilikterdi jazbasha hatpen berýin aıtyp, oń sheshilýine yqral etetinin jetkizdi.
Májilis depýtaty Qudaıbergen Erjan budan basqa da birqatar nysandardy aralady. Aýdan ákimdiginde azamattarmen jeke qabyldaý ótkizdi.
