Májilis depýtaty Serik Úmbetov taldyqorǵandyqtarmen kezdesti
TALDYQORǴAN. QazAqparat - QR Parlamenti Májilisiniń depýtaty issaparmen Almaty oblysyna keldi. Halyq qalaýlysy Taldyqorǵan qalasynda ardagerler úıinde bolyp, qarttarmen kezdesti, dep habarlaıdy QazAqparat tilshisi.
Serik Úmbetov Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasynyń mańyzdylyǵyna toqtalyp, memlekettik baǵdarlamalardyń oryndalýyn baıandady.
Májilis depýtaty Almaty oblysynyń qarqyndy damýyn tilge tıek etip, óńirde atqarylyp jatqan ıgi isterdi tizbektep berdi. Memleket basshysy Nursultan Nazarbaevtyń tapsyrmalary júzege asyrylyp jatqanyn sóz etken depýtat munyń bári eldegi bereke-birliktiń, qajyrly eńbektiń jemisi degen baǵasyn berdi. Serik Úmbetov oblysta bolyp jatqan jaǵymdy jańalyqtardy qalt jibermeıtinin aıtyp, aǵa býynmen emin-erkin áńgimelesip qaıtty. Depýtat «Aı túnde kerek bolsa, aqyl kúnde kerek» degen halyq danalyǵyn alǵa tartyp, aqsaqaldarmen júzdesip, pikir-almasyp qaıtýdy dástúrge aınaldyrǵanyn jasyrmady.
