Májilis depýtaty Serik Úmbetov qyzylaǵashtyqtarmen kezdesti
TALDYQORǴAN. QazAqparat - Almaty oblysynda QR Parlamenti Májilisiniń depýtaty Serik Úmbetovtiń sapary jalǵasýda. Halyq qalaýlysy bul joly Qyzylaǵash turǵyndarymen júzdesti. Apat kezinde qaıtys bolǵandardyń rýhyna quran baǵyshtap, mal soıǵyzyp, aýyldaǵy turmysy tómen otbasylarǵa úlestirdi, dep habarlaıdy QazAqparat tilshisi.
Qyzylaǵashtyqtardyń búgingi hal-jaǵdaıymen tanys bolǵan depýtatqa aýyl turǵyndary buıymtaılaryn da jetkizdi. Olar dıhandar úshin egistik jer berilse deıdi. Aqsý aýdanynyń ákimi bul máseleniń jýyq arada sheshiletinin aıtty. Memleket menshigine ótken jerdiń 1200 gektaryn eńbek etemin degen qyzylaǵashtyqtarǵa úlestirip bermek. Sý qoımasy salynǵan soń 7 myń gektar jer aınalymǵa enetinin de aıtyp, aýyldaǵylardy qýantyp tastady.
Aıta ketý kerek, buǵan deıin Serik Ábikenuly ardagerler úıine de bardy. Aqsaqaldarǵa saıası reformalar jaıynda sóz qozǵady. Rýhanı jańǵyrý maqalasynda jazylǵan ózekti máselelerge de toqtaldy. Jıynda qarııalar jaǵy mádenı kúnder baıqaýyn ótkizý arqyly Serik Úmbetovtiń salanyń damýyna sara jol salǵanyn tebirenispen jetkizdi. Májilismen Almaty oblysyna sapary barysynda buǵan deıin Qazaqstannyń kógaldaǵy jáne ındorhokkeıden ulttyq quramanyń sportshylarymen kezdesken bolatyn
