Májilis depýtaty sáýletshiler daıarlaıtyn oqý ornyn ashý týraly usynys jasady
ASTANA. 15 qarasha. QazAqparat - «Astana qalasynyń qurylys salýdaǵy mamandardy qajet etip otyrǵan qazirgi talabyn oryndaý maqsatynda,
sondaı-aq básekege qabiletti ǵylymı zertteýler júrgizý úshin Astana qalasyndaǵy polıtehnıkalyq kolledj bazasynyń negizinde mamandandyrylǵan Sáýlet jáne qala qurylysy akademııasyn ashýdy usynamyz. Bul usynysty Májilis depýtaty Egor Kappel aıtty, ol QR Premer-Mınıstri Kárim Másimovtiń atyna depýtattyq saýal joldady.
Astana álemdegi eń jas elordasy bolyp tabylady. Ol óziniń qaıtalanbas sáýlettik kelbetimen erekshelenedi jáne shyn máninde HHІ ǵasyr jobasy ekeni anyq. Ǵajap qurylystar men nysandardy salý úrdisinde álemdegi tanymal arhıtektorlardyń ozyq ıedeıalary júzege asyryldy.
Álem halyqtarynyń qazirgi zamanǵy tarıhynda óte qysqa merzim ishinde jas memlekettiń álemdik sáýlet úlgilerin engize otyryp, jańa ǵajaıyp jáne órkenıetti qala turǵyzyp, osyndaı jetistikke qol jetkizgen el joq ekeni belgili.
«Búgingi tańda Astana árbir qazaqstandyqtyń mártebeli maqtanyshy bolyp otyr. Astananyń negizin qalaýshy jáne bas sáýletshisi Qazaqstan Respýblıkasynyń Tuńǵysh Prezıdenti Nursultan Nazarbaev ekeni ras. Táýelsiz Qazaqstannyń jańa elordasyn salý týraly Memleket basshysynyń tarıhı bastamasy daryndy sáýletshiler men qurylysshylardyń arqasynda júzege asty. Qazaqstan elordasyn Saryarqa tósine kóshirý arqyly jáne Astanany jańa úlgidegi eń ǵajap ta sáýletti qalaǵa aınaldyrýdyń nátıjesinde N.Á.Nazarbaev álemdik deńgeıdegi memlekettik qaıratker retinde óziniń kóregendik jáne alysty boljaǵyshtyq qasıetin tanyta bildi»,- deıdi Qazaqstan halqy Assambleıasynan saılanǵan depýtat E. Kappel.
Búgingi tańda Astananyń qurylys salasyna qajetti mamandardy daıyndaý isi L.Gýmılev atyndaǵy Eýrazııa ulttyq ýnıversıtetinde júrgiziledi.
Atalǵan máseleniń ózektiligi Astana qalasynda 2010 jyly 24-27 mamyr kúnderi ótken Túrkitildes elderdiń sáýlet óneri jáne qala qurylysy boıynsha ІІІ halyqaralyq Quryltaıy men «Qazaqstan 2010» IX Qala qurylysy forýmynda aıtyldy. Osy sharaǵa qatysýshylar qazirgi zaman talabyna sáıkes qurylysshylar men sáýletshiler daıyndap shyǵaratyn arnaıy oqý ornyn qurý týraly usynys jasady.
E.ıA.Kappeldiń osy depýtattyq saýalyn qoldap áriptesteri K.Saǵadıev, V.Kııanskıı, Q.Bısenov, L.Pıtalenko qoldaryn qoıǵan.
