Májilis depýtaty Prezıdent Joldaýynda qaı baǵyttarǵa basymdyq berilýi múmkin ekenin aıtty
«Barsha qazaqstandyq qoǵam Prezıdent Joldaýyn kútip otyr, sebebi osy Joldaý koronavırýs indetiniń erekshe jaǵdaıynda jarııalanady. Biz indetke jáne aýqymdy álemdik daǵdarysqa tap boldyq. Osy oraıda problemalardyń tolyq spektrin qamtyp otyr. Ár adam bul jaǵdaıda «qaıda jáne qalaı ilgerileımiz?» degen suraqty qoıyp otyrǵany belgili. Іri bıznes mundaı aýyrtpalyqty qıyn eńserip jatqanyn baıqadyq. Sondyqtan baǵytymyzdy bilý úshin 1 qyrkúıek kúni ár Qazaqstan azamaty Prezıdent Joldaýyn tyńdaıtynyna senimdimin», - dedi depýtat.
Onyń paıymynsha, bazalyq eki kezeń bar - koronavırýs ınfektsııasynyń taralý jaǵdaıy men indettiń ekinshi tolqynyna daıyndyq sharalary. Osy oraıda ol memleket óziniń turaqtylyǵyn saqtaýy úshin ekonomıkalyq ári áleýmettik máseleler boıynsha naqty maqsatty tujyrym qajet ekenin aıtty.
«Meniń oıymsha, ekonomıkalyq bólikke basymdyq beriledi, sebebi biz kiristi qalpyna keltirip, jumys oryndaryn ashyp, shaǵyn jáne orta bıznesti damytýymyz kerek. Buǵan deıingi kezeńde bıýdjettiń basym úlesi áleýmettik tólemderge, halyqty áleýmettik qoldaýǵa arnalǵan bolatyn. Sondyqtan jumyssyz adamdardy qoldaý jáne áleýmettik tólemderdi júzege asyrý tetigi úshin áleýmettik blok paıda bolýy múmkin. Zańnamany qazirgi jaǵdaıǵa sáıkes keltirý kerektigi týraly belgiler baıqalýda. Sáıkesinshe, Joldaý jarııalanǵannan keıin depýtattyq korpýs jedel tártipte normatıvtik aktiler men zańdardan bólek, Prezıdent bergen tapsyrmalar boıynsha jumysqa kirisedi degen senimdemin. Memleket basshysy Qasym-Jomart Toqaev aıqyndap bergen maqsatty mindetterdi sheshýge qosylýǵa daıynbyz»,- deıdi Pavel Kazantsev.
Budan buryn habarlanǵandaı , Memleket basshysynyń Qazaqstan halqyna arnaǵan jyl saıynǵy dástúrli Joldaýy 2020 jyldyń 1 qyrkúıek kúni ótetin Parlamenttiń kezekti sessııasynyń ashylýynda jarııalanady dep josparlanyp otyr.
