Májilis depýtaty Nurtaı Sabılıanov Shyǵys Qazaqstandaǵy saılaýshylarmen kezdesti
ASTANA. QazAqparat - 2017 jylǵy qańtar aıynyń basynda Parlament Májilisiniń depýtaty, «Nur Otan» partııasy parlamenttik fraktsııasy jetekshisiniń orynbasary, Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov Shyǵys Qazaqstan oblysynyń Aıagóz jáne Jarma aýdandarynyń 6 eldi-mekeninde saılaýshylarmen 7 kezdesý ótkizdi.
Kezdesýlerde depýtaty Sabılıanov saılaýshylarǵa Elbasynyń «100 naqty qadam» - Ult josparynyń iske asyrylýy, Parlamenttiń zań shyǵarý qyzmeti, «Nur Otan» partııasynyń atqaryp jatqan jumystary týraly jáne «Nurly jol», «Óńirlerdi damytýdyń 2020 jylǵa deıingi» baǵdarlamalarynyń iske asyrylýy týraly aıtyp berdi.
Sonymen birge, «Nurly jer», nátıjeli jumyspen qamtýdy jáne buqaralyq kásipkerlikti damytý, Qazaqstan Respýblıkasynda agroónerkásiptik keshendi damytý jónindegi «Agrobıznes-2017» jańa baǵdarlamalardyń negizgi baǵyttary týraly túsindirme berdi.
Saılaýshylar óz kezeginde aýyl sharýashylyǵyn, kásipkerlikti damytý, sýmen, turǵyn úımen qamtamasyz etý, avtojoldardy jóndeý, eldi mekenderdiń ınfraqurylymyn damytý máseleleri, medıtsınalyq qyzmetterdi kórsetý sapasyn jaqsartý, halyqty jumyspen qamtý, áleýmettik qamsyzdandyrý týraly máselelerdi kóterdi.
Osyǵan qosa, depýtatpen kezdesýlerge qatysýshylar áleýmettik sala jumysshylarynyń jalaqysyn kóterý aýyl sharýashylyq tehnıkasyna lızıng baǵasyn retteý, keıbir jer máselelerin sheshý, jáne de ardagerler týraly zań qabyldaý qajettiligin aıtty.
Kezdesýler barysynda depýtat N.Sabılıanov azamattardy jeke máseleleri boıynsha qabyldady.
