Májilis depýtaty Murat Ábenov «Azamat» pikirsaıys klýbynyń múshelerimen kezdesti
ALMATY. Qyrkúıektiń 20-sy. QazAqparat - Qazaq ulttyq pedagogıkalyq ýnıversıtetiniń ǵımaratynda QR Parlamenti Májilisiniń depýtaty Murat Ábenov respýblıka jastarynyń belsendi bóligi - «Azamat» pikir-saıys klýbynyń múshelerimen kezdesti. Onda qoǵamdaǵy ózekti máseleler qyzý talqylandy, dep habarlaıdy QazAqparat.
«Azamat» pikir-saıys klýby - 1998 jyldan beri Ulttyq pikir-saıys ortalyǵy negizinde jumys isteıtin qazaq tildi stýdentterdiń qoǵamdyq uıymy. Bul klýb pen elimizdiń zań shyǵarýshy organy arasynda tyǵyz baılanys ornatylǵan. «Azamat - jastar parlamenti» telebaǵdarlamasy sheńberinde klýbtyń eń belsendi de qabiletti músheleri Parlamentte is-tájirıbeden ótip, onyń talqylaýynda jatqan zań jobalarymen tanysyp, solarǵa qatysty óz oı-pikirlerin bildirip keledi. Parlamentke is-tájirıbeden ótýge joldama alǵan jastardyń árbir legi jumys komıtetteriniń talqylaýlaryna, hat almasý protsesine, zań jobalaryn talqylaýǵa etene aralasa otyryp mol ómirlik, ári kásibı tájirıbe jınaqtaıdy, óz bilimderin asyra túsedi.
Ekonomıkalyq reforma jáne óńirlik damý komıtetiniń hatshysy Murat Ábenovpen kezdesý barysynda respýblıkadaǵy aýqymdy jobalardyń biri «Batys Eýropa - Batys Qytaı» halyqaralyq tranzıttik dáliziniń halyq úshin artyqshylyqtary, memleketimizdiń munaı saıasatynyń júrgizilýi, buqaralyq aqparat quraldarynda qazaqtildi baǵdarlamalardyń úlesin arttyrý, memleketimizdiń syrtqy qaryzy sııaqty ózekti máseleler qozǵalyp, olarǵa depýtat tarapynan ekonomıkalyq saraptamaǵa negizdelgen tuşymdy jaýaptar berildi.
Kezdesý barysynda Murat Abdýlamıtuly aldymen Qazaqstandaǵy qaryshtap damýdy maqsat tutqan jobalardyń barlyǵynda da adam kapıtalynyń sapasy men jastardyń belsendiligi, bilimdiligi men biliktiligi basty nazarda ekendigin atap kórsetti. «Elý jylda el jańa» demekshi, qoǵam qazirgi tańda jahandanýdyń yqpalyna túsip, kún sanap ózgerýde. ıAǵnı, burynǵy Keńestik dáýirdiń psıhologııalyq erekshelikteri men táýelsiz elimizde dúnıege kelgen óskeleń urpaqtyń sana-sezimi eki basqa. Osyǵan oraı, halyq qalaýlysy: «Jańa zaman jastary bilimge qushtar, izdenimpaz, tez beıimdelgish, básekege qabiletti bolyp keledi. Sondyqtan da, jastarǵa osyndaı zamannyń erekshelikterin eskere otyryp, berilgen múmkindikterdi tolyǵymen qoldanǵan jón. Ásirese, jańa tehnologııalar men ınnovatsııalyq damýǵa tıisti serpin berý úshin daryndy jastar qajet-aq» - dep atap aıtty.
Sonymen qatar jıynda jastar kóshbasshylyq qasıetterdi damytýǵa, mamandyq tańdaýǵa baılanysty keńester aldy.
Jastarmen kezdesý basynda «Azamat» klýbynyń múshesi, Májiliste depýtat Murat Ábenovtiń qaramaǵynda is-tájirıbeden ótken Aqnur Jıdebekqyzyna depýtattyń qoǵamdyq kómekshisi kýáligi tabys etildi. Aqnur Jıdebekqyzy Almaty qalasyndaǵy stýdent-jastar arasynda depýtattyń ókili retinde jastar máselelerine arnalǵan qoǵamdyq qabyldaýdy júrgizedi.
Jıyn sońynda Májilis depýtaty Murat Ábenov «Azamat» pikirsaıys klýbynyń múshelerine tabys tilep, elimizdiń bolashaǵy osyndaı belsendi azamattyq kózqarasy qalyptasqan jastardyń qolynda ekenin jetkizdi. Jastar óz kezeginde osyndaı kezdesýlerdiń kóptep ótkizilýi týraly tilekter bildirip, depýtatqa klýb atynan estelik syı tartý etti.
