Májilis depýtaty muǵalimderge psıhologııalyq qyzmet kórsetýdi usyndy
«Meteptiń maqsaty – balany tek oqytý ǵana emes, qazirgi zamanda óz ornyn taýyp, básekelestikte ómir súre alatyn, eliniń bolashaǵyna senimmen eńbek etetin, qandaı da bir qıyndyqtarǵa tózimdi tulǵa retinde ósirý. Osy rette áleýmettik jelidegi kıberbýllıngti retteý – bizdiń depýtattyq korpýstyń aldyndaǵy mindet dep bilemiz», - dedi Májilis depýtaty respýblıkalyq tamyz konferentsııasy barysynda.
Sonymen qatar, ol mekteptegi muǵalimniń biliktiligin udaıy kóterý jáne muǵalimniń shyǵarmashylyǵyna jaǵdaı jasaý – basty mindet ekendigin basa aıtty.
«Meniń oıymsha, pándik quzirettiliktermen qatar, muǵalimniń boıynda emotsıonaldy ıntellektini damytýǵa kóp kúsh salýymyz qajet. Osy rette bizdiń balalarymyzǵa jalpy psıhologııalyq qyzmet engizilgen bolatyn. Múmkin muǵalimderge de psıhologııalyq qyzmet engizýdi qarastyrýymyz qajet degen oıdamyn», - dedi Juldyz Súleımenova.
