Májilis depýtaty Memlekettik qyzdar pedagogıkalyq ýnıversıtetiniń stýdentterimen kezdesti
Y. Qarashanyń 26-sy. QazAqparat /Názıra Eleýhan/ - Búgin Qazaq Memlekettik qyzdar pedagogıkalyq ýnıversıtetinde QR Parlamenti Májilisiniń depýtaty Gúlmıra Esimbaevamen «Náziktikpen kómkerilgen iskerlik» atty kezdesý keshi ótti,
dep habarlaıdy QazAqparat.
Atalmysh oqý ornynyń uıymdastyrýymen ótken keshke ýnıversıtet ustazdary men stýdentteri qatysty. Kezdesýde depýtat Gúlmıra Esimbaeva búgingi tańdaǵy bilim berý men jastar saıasatyna qatysty máselelerdi ortaǵa salyp, oı bólisti. Sonymen qatar, stýdentterdi tolǵandyryp júrgen suraqtarǵa jaýap berdi. Sondaı-aq el qalaýlysy kesh barysynda stýdentterge kerek degen birneshe zańdar jóninde aıtyp ótti.
Kesh sońynda ýnıversıtettiń mýzykalyq bilim jáne mádenıet fakýlteti stýdentteriniń shaǵyn kontserttik baǵdarlamasy usynyldy.
