Májilis depýtaty mal sharýashylyǵyn damytýdyń baǵytyn atady
Mal sharýashylyǵy salasyn qarjylandyrý jáne sýbsıdııalaý máselesine toqtalǵan ol, «Qazirgi tańda memlekettik sýbsıdııa berýdegi birqatar eleýli kemshilikter men salany udaıy jetkilikti túrde qarjylandyrmaý sýbsıdııalardy ýaqtyly tólemeýmen birge salany damytýǵa jáne alǵa qoıylǵan ındıkatorlarǵa qol jetkizýge teris áser etip otyr. Onyń ústine, eger agroónerkásiptik keshen sýbektisiniń ınvestıtsııalyq salym salý kezinde jumsaǵan shyǵystarynyń bir bóligin óteý boıynsha sýbsıdııalaý qaǵıdalaryn qaraıtyn bolsaq, sýbsıdııalar tek iri sharýashylyqtarǵa ǵana beriledi. Demek biz jańa shaǵyn mal sharýashylyǵy fermalaryn qurýǵa baǵyttalǵan ınvestıtsııalyq salymdar men shyǵyndardy sýbsıdııalamaımyz. Sóıtip, óz isin endi bastap jatqan fermerlerdi memlekettik qoldaýsyz qaldyryp otyrmyz. Al Mınıstrlik ázirlegen 2017-2028 jyldarǵa arnalǵan etti mal sharýashylyǵyn damytý baǵdarlamasy dál osy fermerlerge arnalǵan. Demek biz ózimizge-ózimiz qaıshy kelip otyrmyz», - dedi.
Onyń sózine qaraǵanda, aýyl sharýashylyǵy ónimin eksporttaýdy qosa alǵanda, mal sharýashylyǵy ónimin óndirý shaǵyn fermer qojalyqtarynyń esebinen kóbeıtilip otyr. ıAǵnı, mal sharýashylyǵy ónimin óndirýde áli kúnge deıin jeke qosalqy sharýashylyqtar eleýli ról atqarýda.
«Al bul bizden olarǵa qoldaý kórsetý boıynsha qajetti sharalar qabyldaýdy talap etedi. Biz jeke qosalqy sharýashylyqtarǵa jer ýchaskelerin jáne olardyń qalyptasýy úshin jeńildetilgen kredıtter men barynsha joǵary ınvestıtsııalyq sýbsıdııalar berý arqyly olardy evolıýtsııalyq jolmen otbasylyq fermalarǵa, sharýa jáne fermer qojalyqtaryna, aýyl sharýashylyǵy kooperatıvterine aınaldyrý úshin yntalandyrýshy jaǵdaı jasaýǵa tıispiz», - dedi B. Ospanov.
Onyń aıtýynsha, aýyl sharýashylyǵyndaǵy eń úlken qıyndyqtar qarjy resýrstarynyń, onyń ishinde aınalym qarajatynyń jetispeýine baılanysty oryn alyp otyr.
Máselen, sońǵy 8 jylda salany ekinshi deńgeıdegi bankterdiń nesıeleý kólemi 4 ese azaıyp ketti. Biraq bul rette QazAgro tobynyń qarajaty esebinen nesıeleý de týra 4 ese - 93 mıllıardtan 385 mıllıardqa deıin ósti. Bul statıstıka Qazaqstan aýyl sharýashylyǵynyń bank sektory ushyraǵan daǵdarysqa qaraǵanda, barynsha tereń, aýqymdy ári júıeli, aýyr daǵdarysqa tap bolǵanyn bildiredi.
«Onyń ústine QazAgro arqyly júzege asyrylatyn memlekettik qoldaý quraldary aýyl sharýashylyǵy taýaryn óndirýshilerdiń basym bóligi úshin qoljetimdi bolmaı otyr. Sebebi oǵan da sondaı kepilder, saraptamalar, qujattar qajet. Holdıngtiń qarjylyq qyzmetter usyný sharttaryn qaıta qaraý, atap aıtqanda kredıtteý mólsherlemesin azaıtý, kredıtterdiń merzimi men somasyn kóbeıtý, sondaı-aq jalpy alǵanda qaryz alýshylarǵa qoıylatyn talaptardy jumsartý mal sharýashylyǵyna aýadaı qajet», - dep túsindirdi Májilistiń Agrarlyq máseleler komıtetiniń tóraǵasy B. Ospanov.
