Májilis depýtaty Qazaqstanda «Nan kúnin» atap ótýdi usyndy
ASTANA. QazAqparat - Parlamenttiń jalpy otyrysynda Májilis depýtaty Vladıslav Kosarev Qazaqstanda «Nan kúnin» atap ótýdi usyndy, dep habarlaıdy «QazAqparat» HAA tilshisi.
«Halyq kommýnısteri fraktsııasynyń depýtattary elimizdegi barlyq eńbek erleri sekildi nan óndirýshilerdiń eńbegine joǵary baǵalaıdy. Biz mehanızatorlardyń, agrarlyq ǵylym qyzmetkerleriniń, elevatorlar men un óndirýshilerdiń, naýbaıhanashylardyń eńbegin eleýge shaqyramyz», - dedi Vladıslav Kosarev Premer-Mınıstriniń orynbasary-Aýyl sharýashylyǵy mınıstri Asqar Myrzahmet pen QR Mádenıet jáne sport mınıstri Arystanbek Muhamedıuly attaryna joldanǵan depýtattyq saýalynda.
Onyń aıtýynsha, Qazaqstan 100 mıllıon adamdy nanmen qamtamasyz ete alatyn memleket.
«Italııada «Qyzanaq kúnin», Grekııada «Sharap kúnin», «Gollandııada «Qyzǵaldaq men irimshik kúnin» atap ótedi. Al Germanııada «Syra kúnin» toılaıdy. Al biz jyl saıyn elimizde «Nan kúnin» atap ótýdi usynamyz. Dál osy kúni barlyq nan óndirýshiler men satýshylar halyqty nan berip syılaıdy. Al árbir naýbaıhana óz óniminiń sapasyn kórsete alady. Osy arqyly ónimderge kópshilik qoǵamdyq baǵa bere alady. Bılik ókilderi bul kúni qarttar men naýqastarǵa baryp, syılyqqa nan men nan ónimderin syılaı alady. Nan men bıdaı ónimderiniń qoǵamdaǵy mańyzyn osylaı bildire alamyz», - deıdi depýtat.
Vladıslav Kosarev halyq mundaı merekege qurmetpen qaraıtynyn, sharanyń ótýine bastamashylyq tanytýǵa daıyn ekendigin jetkizdi.
