Májilis depýtaty Gleb Şegelskıı 51 jasynda ómirden ozdy
NUR-SULTAN. QazAqparat - Parlament Májilisiniń depýtaty, ekologııa jáne tabıǵat paıdalaný máseleleri jónindegi komıtettiń tóraǵasy Gleb Şegelskıı ómirden ótti, dep habarlaıdy QazAqparat Májilistiń baspasóz qyzmetine silteme jasap.
Qaıǵyly jaǵdaıǵa baılanysty Májilis spıkeri Nurlan Nyǵmatýllın marqumnyń otbasyna, týys-týǵandary men jaqyndaryna kóńil aıtty.
«Gleb Anatolevıch Şegelskııdiń mezgilsiz dúnıeden ótkeni jaıly qazaly habar aýyr tıdi. Ol adamgershilik jáne kásibı qasıetterimen erekshelenetin, óte sezimtal, elgezek jáne asa jaýapty jan edi. Qazaqstannyń shynaıy patrıoty bolatyn. Álbette, Gleb Anatolevıch Qazaqstannyń zańnama bazasyn jetildirýge óte qomaqty úles qosty. Biz zań jobalarymen jumys istegende de, basqa da ózekti taqyryptar jaıly sóıleskende de óte kóp máselelerdi talqylaıtynbyz. Sonyń bárinde ol taqyrypqa jan-tánimen kirisip, jumysqa adaldyǵymen erekshelenetin edi. Ol úshin eliniń jáne qoǵamnyń múddesi bárinen joǵary turatyn. Osyndaı qıyn sátte marqumnyń jaqyndaryna búkil depýtattyq korpýs pen óz atymnan qaıǵyryp kóńil aıtamyn. Ol kisilerge qoldaý kórsetip, jyly sózimdi jetkizgim keledi. Keremet adam, senimdi áriptes, pikirles dos, depýtat Gleb Anatolevıch Şegelskııdiń jarqyn beınesi máńgi jadymyzda jańǵyryp turady» dep atap ótti Májilis tóraǵasy Nurlan Nyǵmatýlın.
Májilistiń V jáne VI shaqyrylym depýtaty Gleb Şegelskıı búgin júrek talmasynan mezgilsiz qaıtys boldy.
