Májilis depýtaty Ǵalymjan Eleýovtiń ókilettigi toqtatyldy

ASTANA. QazAqparat – QR Ortalyq saılaý komıssııasy QR Parlamenti Májilisiniń depýtaty Ǵ.A. Eleýovtiń ókilettigin toqtatý týraly qaýly shyǵardy, dep habarlaıdy QazAqparat.

Qazaqstan Respýblıkasy Konstıtýtsııasynyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» 1995 jylǵy 16 qazandaǵy Qazaqstan Respýblıkasy Konstıtýtsııalyq Zańynyń 24-baby 3 jáne 8-tarmaqtaryna sáıkes Qazaqstan Respýblıkasynyń Ortalyq saılaý komıssııasy QAÝLY ETEDІ:

1. Qazaqstan Respýblıkasy Parlamenti Májilisiniń depýtaty Ǵalymjan Almasbekuly Eleýovtyń ótinish berýine baılanysty onyń ókilettigin merziminen buryn toqtatýǵa ákeletin negiz týyndady dep belgilensin.

2. Qazaqstan Respýblıkasy Parlamenti Májilisiniń depýtaty Ǵ.A. Eleýovtiń ókilettigin merziminen buryn toqtatý týraly usynym Qazaqstan Respýblıkasy Parlamentiniń Májilisine engizilsin.