Májilis depýtaty Faızolla Qamenovtiń ókilettigi merziminen buryn toqtatyldy
NUR-SULTAN. QazAqparat – Búgin Parlament Májilisiniń jalpy otyrysynda depýtat Faızolla Qamenovtiń ókilettigin merziminen buryn toqtatyldy, dep habarlaıdy QazAqparat tilshisi.
«QR Parlamenti Májilisiniń depýtaty Faızolla Qamenuly Qamenov mindetterin atqarýdan óz erkimen bosatý týraly ótinish berdi. Osyǵan oraı Qazaqstan Respýblıkasynyń Ortalyq saılaý komıssııasy sizderdiń nazarlaryńyzǵa zańnamaǵa sáıkes F. Qamenovtiń ótinish berýine baılanysty onyń ókilettiligin merziminen buryn toqtatý týraly máseleni sheshi úshin usynym engizip otyr», - dedi QR Ortalyq saılaý komıssııasynyń múshesi Shavhat Ótemisov.
Jalpy otyrysta palata depýtattary atalǵan usynymǵa daýys berip, depýtattyń ókilettigin merziminen buryn toqtatý týraly sheshim qabyldady.
Budan buryn habarlanǵandaı, Ortalyqsaılaýkom músheleri tıisti qaýlylardy qabyldaǵan bolatyn.
