Májilis depýtaty Elnur Beısenbaevtyń ókilettigi merziminen buryn toqtatyldy

ASTANA. QazAqparat – Búgin Parlament Májilisiniń jalpy otyrysynda depýtat Elnur Beısenbaevtyń ókilettigi merziminen buryn toqtatyldy, dep habarlaıdy QazAqparat tilshisi.

«Parlament Májilisiniń depýtaty Elnur Beısenbaev mindetterin atqarýdan óz erkimen bosatý týraly ótinish berdi. Osyǵan oraı Ortalyq saılaý komıssııasy sizderdiń nazarlaryńyzǵa Konstıtýtsııanyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýtsııalyq Zańnyń 24-baby 3 jáne 8-tarmaqtaryna sáıkes, Májilis depýtaty E. Beısenbaev ótinish berýine baılanysty onyń ókilettiligin merziminen buryn toqtatý týraly máseleni sheshý úshin usynym engizip otyr», - dedi Ortalyq saılaý komıssııasynyń múshesi Shavhat Ótemisov.

Jalpy otyrysta palata depýtattary atalǵan usynymǵa daýys berip, E.Beısenbaevtyń ókilettigin merziminen buryn toqtatý týraly sheshim qabyldady.

Budan buryn habarlanǵandaı, jaqynda AMANAT partııasynyń tóraǵasy Erlan Qoshanovtyń qaýlysymen partııanyń atqarýshy hatshysy qyzmetine Elnur Sabyrjanuly Beısenbaev taǵaıyndalǵan.

Foto: senate.parlam.kz