Májilis depýtaty Egindikól aýdanyndaǵy túıtkildi máselelerge qanyqty - Aqmola oblysy
KÓKShETAÝ. QazAqparat - Májilis depýtaty Jeksenbaı Dúısebaev jumys saparymen Egindikól aýdanynda boldy, dep habarlaıdy "QazAqparat" HAA tilshisi.
Sapary barysynda Májilis depýtaty jergilikti sharýa qojalyqtary men seriktestikterdiń jumysymen tanysyp, áleýmettik nysandardy aralap kórdi. Osydan 44 jyl buryn salynǵan aýdandyq mádenıet úıiniń ujymymen kezdesip, jaǵdaılaryn surap bildi. Mádenıet oshaǵyna 2011 jyly kúrdeli jóndeý jumystary júrgizilipti. Qazirgi kezde munda dombyra, gıtara, bı tárizdi úıirmeler jumys isteıdi. Ujym oblystyq, respýblıkalyq deńgeıdegi mádenı sharalarǵa qatysyp, joǵary bıikterden kórinip júr.
Egindikóldegi №12 agrotehnıkalyq kolledj ujymnan óńirdi damytýda kedergi bolyp otyrǵan keıbir túıtkildi máselelerdi surap bildi. Sýmen qamtamasyz etý, jol jáne jer máselesi týraly túsindirip ótti. Sonymen qatar, aýdanda jastardy jumysqa ornalastyrý jáne mamandar tapshylyǵyn sheshýge nazar aýdardy. Atalǵan kolledjde bilim alyp jatqan stýdentterdiń deni aýyldan kelgender. Olardyń 70 paıyzy pəter jaldap turady.
Aýdan aktıvimen ótken kezdesýde Jeksenbaı Dúısebaev aldymen elimiz Táýelsizdiktiń 25 jyldyǵyna abyroıly jetkenin, eń bastysy, tynysh, beıbit ómir súrip jatqanymyzdyń da sol egemendigimizdiń jemisi ekendigin túsindirip ótti.
Sapar sońynda Májilis depýtaty "Nur Otan" partııasynyń aýdandyq fılıalynda áleýmettik-turmystyq máselelerimen kelgen aýdan turǵyndaryna qoǵamdyq qabyldaý ótkizip, saýaldaryna qulaq túrdi.
