Májilis depýtaty E. Qudaıbergen Maqtaral turǵyndarymen júzdesti
ASTANA. QazAqparat - QR Parlamenti Májilisiniń depýtaty Erjan Qudaıbergen issaparmen Maqtaral aýdanynda bolyp, aýdan turǵyndarymen kezdesti.
Halyq qalaýlysy jergilikti jerde respýblıkalyq bıýdjetten qarjylandyrylatyn baǵdarlamalardyń iske asyrylý barysymen tanysyp, aýdan ortalyǵy Jetisaı qalasy, Atakent, Asyqata kentterindegi sharýa qojalyqtary, shaǵyn jáne orta bıznes ókilderi men áleýmettik jáne medıtsına salasy qyzmetkerlerimen kezdesti.
Jıyn barysynda birqatar bıznes ókilderi men medıtsına salasy qyzmetkerleriniń usynys pikirleri tyńdalyp, aldaǵy ýaqytta Parlament qabyrǵasynda qabyldanatyn Zańdarǵa ózgerister men tolyqtyrýlar engizý barysynda eskeriletindigi aıtyldy. Otyrysta el aǵalarynyń tushymdy pikirleri men mańyzdy usynystary talqyǵa salyndy, dep habarlaıdy Maqtaral aýdany ákiminiń baspasóz qyzmeti.
