Májilis depýtaty blogerlerdi qoǵamdyq keńester alańyna shaqyrdy
ASTANA. QazAqparat - QR Parlamenti Májilisiniń depýtaty Nurlan Ábdirov Qaznettiń tanymal blogerlerine ózderiniń áleýetin qoǵamdyq keńester janynda júzege asyrýǵa shaqyrdy.
«Biz blogerler týraly pikir almasqan bolatynbyz. Kóptegen jastar áleýmettik jelide otyratyny belgili. Eger de olar jelide belsendi jáne shynymen de patrıottyq rýhtaǵy azamattar bolsa, onda osy jastar qoǵamdyq keńester alańyna qosylyp, máselelerdi talqylaǵany durys bolar edi. Elimizdiń órkendeýine ashyq túrde úles qosyp, bul baǵyttaǵy jumystardy aıqyn atqarýdy usynamyn», - dedi depýtat Ortalyq kommýnıkatsııalar qyzmetindegi baspasóz máslıhatynda.
N. Ábdirovtiń sózine qaraǵanda, «Qoǵamdyq keńester týraly» Zańyn ázirleýshiler keńes músheleri jumysyna qajetti barlyq jaǵdaılardy qamtydy.
«Bul turǵyda olarǵa memlekettik organdardyń múshelerimen birge eń ózekti problemalardy qarastyrýy úshin múmkindik berilip otyr»,-dedi ol.
Qoǵamdyq keńester qyzmetine kelsek, olardyń qyzmetindegi basty nysan - qoǵamdaǵy mańyzdy máseleler boıynsha qoǵamnyń pikirin bildirý bolyp tabylady. ıAǵnı, Qoǵamdyq keńester túrli máselelerge qatysty qoǵamnyń pikirin bılik organdaryna jetkizedi, óz kezeginde bılik organdary ondaı usynymdardy qaraýǵa mindetti bolyp tabylady.
