Májilis depýtaty balalar men jastardy qoldaýmen aınalysatyn Germanııa federaldyq qyzmetiniń ókilderimen kezdesti
ASTANA. 24 maýsym. QazAqparat /Qanat Mámetqazyuly/ - Búgin QR Parlamenti Májilisiniń depýtaty, Áleýmettik-mádenı damý komıtetiniń múshesi Maıra Aısına «Juldyz» balalar qoǵamdyq uıymdary odaǵynyń shaqyrýymen kelgen balalar men jastardy qoldaýdyń memlekettik máselelerimen aınalysatyn Germanııa federaldyq qyzmetiniń ókilderimen kezdesý ótkizdi.
Kezdesýge «IB Internatsıonaldyq Odaǵynyń» bólimshe meńgerýshisi Ýrzýla Shade, atalǵan odaqtyń ortalyq basqarmasyndaǵy halyqaralyq jobalar úılestirýshisi Danıela Keess, odaqtyń áleýmettik keńesshisi Irına Mıýller jáne «Juldyz» balalar qoǵamdyq uıymdary odaǵy qoǵamdyq birlestiginiń prezıdenti Elena Dmıtrıenko qatysty. Júzdesý barysynda Májilis depýtaty meımandardy balalar men jasóspirimderge memleket tarapynan jasalyp jatqan áleýmettik qamqorlyqtardy taldap, zańnamalarmen tanystyryp ótti.
Sonymen qatar, Taraptar eki jaqtyń yntymaqtastyq baılanystar men birlesip atqarylatyn isterdiń naqty baǵytyn aıqyndady.
«Juldyz» balalar qoǵamdyq uıymdary odaǵy qoǵamdyq birlestigi jastarǵa patrıottyq, rýhanı-jaǵymdy tárbıe berýdiń azamattyq ınstıtýty bolyp tabylady. Jastardyń azamat bolyp qalyptasýy men qıyn balalardyń áleýmettik jaǵdaıynyń ózekti máselelerin sheshý jolyndaǵy qajetti tájirıbelerdi úırený maqsatynda ártúrli otandyq jáne shet eldik balalar qoǵamdarymen seriktestik qatynas ornatyp, jetildirip otyrady. Atalǵan halyqaralyq baılanystar sheńberinde german federaldyq qyzmeti ókilderiniń 23-29 maýsym aralyǵynda iskerlik kezdesýleri ótkizilýde.
