Májilis depýtaty «Baqytty otbasy» baǵdarlamasyna jas otbasylardy engizýdi usyndy
«Baspana máselesin qarastyrǵan kezde «Baqytty otbasy» baǵdarlamasyna kóbalaly, tolyq emes otbasylar, sondaı-aq múmkindigi shekteýli balalardy tárbıelep otyrǵan otbasylarmen qatar, jas otbasylardy da qosý kerek», - dedi depýtat.
Osy oraıda ol bul qadam jas otbasylardyń berik bolýy, olardyń óz eliniń damýyna tolyqqandy jumys isteýi úshin qajet ekenin atap ótti.
«Mınıstrlikterde qyzmet etetin bir mamanǵa toqtalsaq, ol joǵary bilimin elimizde, ekinshisin shetelde alyp, elde jumys isteýge keledi. Mınıstrliktegi eńbekaqysy 90 myń teńge shamasynda. Bul aqshaǵa ol otbasyndaǵy eki balasyn asyrap, jaldap otyrǵan páterine tóleýi tıis bolady. Osy oraıda jas mamandar qıyn jaǵdaıǵa tap bolatyny anyq», - dedi Z. Balıeva.
Bul turǵyda depýtat atalǵan baǵdarlamanyń bıýdjetin 10 esege arttyrýdy usyndy. ıAǵnı, «Baqytty otbasy» aıasynda tıisti qarjylandyrýdy eskergen jón.
«Osy sharalar arqyly jas otbasylardy saqtap qalamyz, ekinshiden, olar ózderiniń aqshasyna osy páterdi satyp alýǵa barynsha tyrysady. Meniń oıymsha, bul baǵytta tıisti qadamdardy birlese pysyqtaǵan durys bolady», - dedi ol.
