Májilis depýtaty B.Tileýhan mektep oqýshylarynyń oqý quralyna qatysty másele kóterdi

Depýtat osy ýaqytta mektep oqýshylary qoldanyp júrgen kúndelikti bezendirý máselesine nazar aýdardy. «AQSh-tyń alyp kúshti memleket ekenine shúbá joq. Alaıda qazaqstandyq oqýlyqtyń syrtyna AQSh-tyń «Bostandyq músini» beınesiniń ne qajeti bar? Bizdiń ózimizdiń báıteregimiz bar edi. Qazaqstanda odan ózge de ulttyq sımvoldar jeterlik. Al AQSh-tyń sımvoly bizge ne beredi?»,-degen qynjylysyn bildirdi ol.

B.Tileýhannyń aıtýynsha, kúndeliktiń ishinde Qazaqstannyń memlekettik merekeleriniń tizimi berilgen, alaıda Qurban aıt merekesi nazardan tys qalǵan. Sonymen birge qazaqtyń ánurany kúndeliktiń sońǵy betinde berilip, kúndeliktegi negizgi maǵlumattardyń barlyǵy orys tilinde túzilgen. «Osyndaı máselelerge kelgende naqty usynystar bolýy kerek. Mektepte kúndeligin bir jyl boıy ustap júretin balanyń jadynda «Báıterek» emes AQSh-tyń «Bostandyq músini» qalady. Al osyndaı jaǵdaıda óz Otanynyń patrıottaryn tárbıelep otyrmyz dep qalaı aıta alamyz? - dedi halyq qalaýlysy.