Májilis depýtaty azamattardy óz ótinishteri boıynsha qabyldady
ASTANA. 27 mamyr. QazAqparat - Búgin Qazaqstan Respýblıkasy Parlamenti Májilisiniń depýtaty Jarasbaı Súleımenov «Nur Otan» partııasynyń Ortalyq apparatynyń keńsesinde azamattardy óz ótinishteri boıynsha qabyldady.
Depýtat qabyldaýynda Shyǵys Qazaqstan, Jambyl, Aqtóbe oblystarynyń, sondaı-aq Astana, Almaty jáne Taraz qalalarynyń turǵyndary boldy.
Qabyldaýda bolǵan azamattar áleýmettik máselelerdi qozǵady. Atap aıtqanda, turǵyn úımen qamtý, jumysqa ornalasý, eńbekaqy tóleý, sot sheshimine qatysty máseleler qamtyldy. Sonymen qatar shaǵym bildirýshiler materıaldyq jáne moraldyq shyǵyndardyń der kezinde ótelmeýi, bala baqshadan jeńildik boıynsha oryn alý, sanatorııalyq-kýrorttyq emdelýge yqpal etý jaıyn kóterdi.
Depýtat barlyq ótinish bildirgen azamattarǵa túsinikter berdi jáne olardy ári qaraı sheshýge yqpal jasaý úshin jazbasha shaǵymdaryn qabyldady.
