Májilis depýtaty Astana mańyndaǵy aýyldardyń problemasyn kóterdi
ASTANA. Qarashanyń 18-i. QazAqparat - Qarashanyń 17-si kúni ótken Parlament Májilisiniń jalpy otyrysynda depýtat Maıra Aısına Respýblıka Premer-Mınıstri Kárim Másimovtiń atyna saýal joldap, elordanyń túbindegi aýyldardyń ózekti máselelerin kóterdi,
dep habarlaıdy QazAqparat.
Depýtatty Astana mańyndaǵy aýyldarda elektr energııasynyń bolmaýy, aýyz sý tapshylyǵy mazalap otyr. Sonymen qatar, eldi mekendegi eski mektepte dáris alyp jatqan balalardyń sany úsh ese kóp ekenin, qalǵandary Astanaǵa kez kelgen kólikpen keletinin aıtyp, osyndaı problemalar turǵyndar úshin kúnnen kúnge ózekti bola túskenin jetkizdi.
«Úkimetten Astana mańyndaǵy aýyldardaǵy problemalardy zerdeleýdi, oryn alǵan máselelerdi keshendi túrde sheshýdi, sondaı-aq 2010 jylǵa arnalǵan bıýdjetti naqtylaý kezinde Talapker selosyndaǵy jalpy bilim beretin orta mekteptiń qurylysyn qarjylandyrý máselesin qaraýdy ótinemin», dedi depýtat Maıra Aısına.
