Májilis depýtaty A. Tasbolatov Almaty qalasynda birqatar kezdesýler ótkizdi
ASTANA. QazAqparat - QR Parlamenti Májilisiniń depýtaty, «Nur Otan» partııasy fraktsııasynyń múshesi Abaı Tasbolatov Almaty qalasyndaǵy sapary aıasynda saılaýshylarmen kezdesti. Onda Elbasy Joldaýynda júktelgen mindetter jaıy talqylandy. Bul týraly Májilistiń baspasóz qyzmetinen habarlandy.
Sapar aıasynda májilismen Qorǵanys mınıstrligine qarasty Aeromobıldi áskerler basqarmasynyń basshylyǵymen, QR Ulttyq qaýipsizdik komıtetine qarasty Shekara qyzmeti akademııasy túlekterimen, sondaı-aq Іshki ister mınıstrligine qarasty «Ońtústik» aımaqtyq Respýblıkalyq ulan basshylyǵymen kezdesti. Budan bólek, «Nur Otan» partııasy qalalyq fılıalynyń qyzmetkerlerimen, qalalyq máslıhat depýtattary, Uly Otan soǵysy, tyl ardagerleri men Aýǵan soǵysy ardagerlerimen júzdesti. Onda «Nur Otan» partııasynyń «Qazaqstan. Maqsattar 2017. Ulttyq is-áreketter jospary» atty tuǵyrnamasy, Elbasy Joldaýlary, partııanyń bolashaqty qurýǵa baǵyttalǵan doktrınasynyń basym baǵyttarymen olardy sheshý joldary jan-jaqty talqylandy. Sonymen qatar, depýtat Parlament Májilisiniń zań shyǵarýshylyq qyzmeti jaıynan habardar etti.
