Májilis depýtaty A.Sýslov Aqsý qalasynyń turǵyndarymen kezdesti
PAVLODAR. QazAqparat - Aqsý qalasynda Palament Májilisiniń depýtaty, «Nur Otan» partııasynyń fraktsııa múshesi Aleksandr Sýslovtyń qatysýymen «Esikten esikke» aktsııasy ótti, dep habarlady oblystyq partııa fılıalynyń baspasóz qyzmeti.
Aqsýlyqtarmen júzdesken Májilis depýtaty partııanyń saılaýaldy baǵdarlamasynyń mazmunyn túsindirdi. Áńgime barysynda A.Sýslov qala turǵyndarynyń suraqtaryna jaýap berip, ózekti máselelerimen tanysty. Ásirese, qalalyqtardy jańa qazandyqtyń qurylysy qyzyqtyrdy. Búginde kúnnen-kúnge ósip kele jatqan qalany jalǵyz jylý kózi - Aqsý ferroqorytpa zaýyty jylytady. Keıbir kóshelerde túngi jaryqtyń bolmaýy da qala turǵyndaryn alańdatady.
«Qala turǵyndary qoıǵan barlyq suraqtar, barlyq máseleler meniń jiti baqylaýymda bolady», - dedi Májilis depýtaty. - Qazandyqtyń qurylysyna kelsek, qurylys jumystary bastalyp ketti. Nysandy qurý úshin jobalyq-smetalyq qujattama daıyndalýda», - dep atap ótti.
